الأقلية ومنطق نلعب وإلا نحرم

بعد ما عبر الشعب التونسي على اختياراتو في الانتخابات وإللي شهد بمصداقيتها القاصي والداني والفرقاء السياسيين للفائزين قبل أصدقائهم نلقاو توا أفكار غريبة تخرجلنا من حين لحين كيما مثلا فكرة "المجلس الموازي" لمحسن مرزوق إللي بش يصوغ دستور، دستور يعبر على تصورات المشاركين فيه، لكن من أنتم ؟ شكون المشاركين فيه ؟ تنجمو تعطيو نفس النسب الموجودة في المجلس التأسيسي وتحطوهم في المجلس الموازي ؟ وشنو رأيكم كان نزيدو نعملو مجالس موازية اخرى وكل واحد يغني على ليلاه ؟ المشكلة مش في مبادرة انطلقت من مجتمع مدني ولكن المشكلة الأساسية هي إذا كانت أفكار المجلس الموازي (ماهوش منتخب) بعيدة كل البعد على اختيارات وتوجهات المجلس التأسيسي (إللي انتبخبوه) شنو بش يعمل وقتها محسن مرزوق وجماعتو ؟ هل يعتبرو ارواحهم قامو بواجبهم وعطاو "اقتراحات" وماتفعلتش وإلا يحاولو يعملو "ثورة ثانية" ضد المجلس التأسيسي ؟ هذا إللي بش نعرفوه لكن حبيت نقول راهو من لخر كل حزب عطى البرنامج متاعو والشعب قرر واختار رغم ما يقال ع "عدم عدالة الانتخابات" وبطبيعة الحال هاذم مزالو ماهمش راضين بطريقة الحساب إللي ظلمت النهضة ويحبو يزيدو يظلموها أكثر لكن مش مشكلة لازمهم في الانتخابات الجاية درس أفضل بطريقة حساب عادلة للأصوات بش يلقاو ارواحهم ع الهامش .. بش نكونو واضحين؛ أنا مانيش ضد المجتمع المدني والمبادرات متاعوو ع خاطر دون مجتمع مدني فاعل ومتحرك وناشط لا ثما لا تقدم ولا والو ولكن الشيء اللي يخوف كي تقرا كلام "الأقلية" .. مثال بسيط ع الأمر هذا بش نعرفو استراتيجية الأقلية اللي في المجلس إللي يخدم تحت سقفها محسن مرزوق، نعرفو إللي المجلس التأسيسي "سيد نفسه" و"يمثل الشعب" ومهمتو صياعة الدستور، هاذي حاجة بديهية وإلا علاش عاملينو ؟! لكن شوف ديكتاتورية الأقلية وشوف كلامهم وشنوة تخطيطهم بعد حكاية "المجلس الموازي" : ((الدستور لن تقع صياغته من طرف الأغلبية داخل المجلس التأسيسي وحدها بل سيكون لـــــلأكــــــــثــــــــريـــــــة من الشــــــــــــــعـــــــــب خارج هذا المجلس الكلمة الفصل من خلال فرض كلمتها وإيصالها إلى المجلس التأسيسي الذي سيكون امام خيارين لا ثالث لهما إما الاستجابة للإرادة الشعبية أو تحمل تبعـــــــــات ثـــــــــــورة ثــــــــــــانية قد تعصف بأركان الحكومة الجديدة)) هذا سيدي خويا كلام الصحفي عبد الجبار المدوري في جريدة صوت الشعب العدد 25 الصفحة 3 في مقال تحت عنوان التأسيسي بين الأغلبية والأقلية. الكلمتين هاذم وحدهم انجمو نطلعو منهم 200 غلطة ع الأقل .. نبداو بإسم الجريدة (صوت الشعب) من أنتم ؟ باهي لا علينا في هاذي تعداها شوية ديكتاتورية بروليتاريا برك .. قالك يا سيدي الأغلبية "وحدها" ماهاش بش تحط دستور، اي شكون معاها ؟ قالك معاها جموع الثوار امام المجلس ! لا وزيد قالك "للأكثرية من الشعب"! بالله ؟! هيا مالا كل واحد يجيب جماعتو قدام المجلس ونقعدو نهار كامل نتظاهرو وإللي يجيب أكثر هو الرابح ؟! وقتاش كانت مظاهرة في شارع بش تقرر وتفرض رأيها على المجلس إللي انتخبو الشعب كامل ؟! ياولدي برصمي من أنتم ؟! وبعد السيد يهدد، قالك عندك خيارين ماتحكيليش يا إما يستجيب المجلس وإلا نشعلها البراا ونعمل ثورة ثانية "تعصف بأركان الحكومة"، اي نعم، يا نلعب وتكون عندي الأغلبية وإلا نحرم هاذي هي كان سمعتو بها ديكتاتورية الأقلية، مصطلح جديد يبدعوه أصحاب الحداثة المزيفة. والله حاولت نحط المظاهرات في نطاق "حرية التعبير" مانجمتش السيد يقلك الشارع بش يفرض ع المجلس يا تستجيب يا نقلبوها الدنيا ؟! شنوة يقصد ؟! يحب يعمل "معركة" ؟! اي نعم بابا هذاكا هو الجواب، السيد يحب على معركة قدام المجلس التأسيسي، اسمع شنو يقول ((إن المعركة لم تنته بمجرد انتخاب المجلس التأسيسي بل ربما قد تكون انطلقت الآن انطلاقة حقيقية وفعلية. وقد بــــدأت بالفعل بشـــــــــائر هذه المعركة من خلال التجمع الذي تزامن مع افتتاح المجلس التأسيسي والذي شارك فيه الآلاف من المواطنات والمواطنين ليوجهوا رسالة إلى أعضاء المجلس التأسيسي انهم بالمرصاد لأي تلاعب بالإرادة الشعبية أو إلتفاف على الثورة)) والله معقول كي يحكي ع تحرك الشارع بش يذكرو المجلس التأسيسي بأهداف الثورة وإلا بش يعبرو على رأيهم وإلا غيرو بالعكس حاجة حضارية ياسر إذا ماكانتش تعدي مادي وكانت سلمية. لكن "معركة" ! علاش معركة ؟! ولازم نعرفو إللي المظاهرات إللي البرا "تذكر" مش تفرض ماكانش تولي ساحة "معارك" قدام المجلس مش "ديمقراطية" ! يعني كان نربطو كلامو "معركة" + "فرض على المجلس التأسيسي" + "ثورة ثانية" + عواصف ومانعرفش شنوة نلقاو في آخر الأمر كارثة كبيرة ياسر .. الكلام هذا مانقولوه كان كي تكون الحكومة إنقلبت على اهداف الثورة وماحققتش مطالبها أما كي يقولو واحد قبل ما تباشر الحكومة اعمالها إنجم نقول إللي المعارضة بش تكمل في غبائها السياسي وبش تحقق في آخر الأمر حاجة من اثنين واحلاهما مر : إما تزيد تخسر أكثر ثقة المواطن وإلا تدخل البلاد في حيط .. أنا نتصور أصحاب العقلية متاع "نثورو ع الحكومة قبل ما تبدأ" ما ينجمو يكونو كان جماعة مالقاتش روحها وبش تتخذ سياسة أخرى "محاولة إضعاف الحكومة الجديدة قدر الإمكان" وبعد تقول للشعب "هاو إللي اخترتوهم دخلوكم في حيط هيا اختارونا نحنا" من لخر ربي يستر من العقلية هاذي وان شاء الله تكون المعارضة في المستوى المطلوب منها وتكون معارضة فاعلة وتحب تبني مش تحب تعرقل على خاطر الإسلاميين ربحو، ولازمهم يتذكرو إللي تونس قبل الاحزاب وقبل كل شيء قالو معركة ومنطق عادم وتفشليم زايد.

كيفكيف زادة موقف مية الجريبي على الفايسبوك كي قالت أن الأغبية مطالبة بإرضاء الأقلية : ((و مثير للقلق أن نقرأ لأمين عام حزب حاز الأغلبية العريضة في الانتخابات قوله بأن "الأغلبية ليست مطالبة بإرضاء الأقلية")) بالله يا أستاذة فهمني بجاه ربي ؟ يا أستاذة هاو بش نعطيك مثال بسيط ع لخر؛ في بالك السلفيين تيار موجود في تونس ؟ والأكيد أكثر من أعضاء وانصار وزيدهم إللي يعرفو الحزب الديمقراطي التقدمي ؟ هيا شنو رأيك كان نرضيو التيار هذا (ميسالش اتو نعتبروهم "أقلية") ؟ وإلا نحنا مطالبين كان بإرضاء النساء الديمقراطيات ؟ يا أستاذة هاو من لخر، الشعب اختار الأغلبية في المجلس التأسيسي إللي بش يعمل الدستور والمجلس التأسيسي بش يعمل دستور يرضي الأغبية هاذي إللي انتخبتو. ومش مطالب بش يعملو حكومة تلم احزاب 0.01 الكل ويقعدو إللي خذاو الاغلبية على بنك الإحتياط ! ويعطيو كل حزب من احزاب 0.01 حقيبة وزارية ! بالله العظيم مش كان تعطاهم وزارة وزارة ودار دار مايكفيهمش !! من لخر الأغلبية لازمها تاخذ مسؤوليتها والأقلية تكون في المعارضة وإلا ماعادش اسمها معارضة تولي اسمها حكومة. نقطة إلى السطر.

مبادرة الطلبة التونسيين : لا تحقرن من المعروف شيئا

أيام معدودة تفصلنا على 17 ديسمبر يوم إندلاع الثورة التونسية بل الثورة العربية ككل، لا بد ألا يمر هذا اليوم دون احتفال بهذه الذكرى ولكنني فكرت أن يكون الاحتفال من نوع آخر، أن نجعل هذا اليوم يوم تكافل إجتماعي ويوم جمع تبرعات في الجامعات التونسية خاصة حتى يستمر الطلبة في دورهم الفاعل في المجتمع التونسي. 

الفكرة بسيطة وهي أن يتكفل بهذه المهمة أفراد من كل جامعة ويتم جمع التبرعات (بطبيعة الحال تكون التبرعات مسجلة في دفتر للأمانة والإلتزام بالتنظيم والشفافية في ذلك) ثم تقديم هذه التبرعات لجمعيات خيرية أو مباشرة لفائدة عائلات محتاجة أو التمهيد لبعث قافلات في اتجاه المناطق المحرومة أو غيره من الأعمال الخيرية التي ستدل حتما أن المجتمع المدني لم ولن ينسى دوره الإصلاحي.

أرجوا أن يتم دعم هذه الفكرة ونشرها بين الطلبة والتعريف بها على صفحات الفايسبوك لغاية يوم 17 ديسمبر يوم انطلاق العملية وتكون تحت عنوان "لا تحقرن من المعروف شيئا".

قررت الإنسحاب من النهضة بسبب ..

بعد الثورة المباركة وبعد عودة حركة النهضة قررت الإنخراط في حركة النهضة قصد المشاركة في الحياة السياسية في البلاد فقد كان لزاما على الشعب التونسي أن يشارك فيها بفعاليلة كبيرة بعد أن أقصي منها لعقود من الزمان .. وكان سبب اختياري لحركة النهضة بالذات انني كنت أراها هي الأفضل على الساحة وذلك من عدة نواحي عدة؛ فهي أولا الأقرب لأفكاري وطموحاتي وكنت أعتقد ان البعد الديني في الحركة هو بعد قولي وفي نفس الوقت بعد فعلي أيضا ولكن ما راعني إلا أنني وجدت حركة صورتها مدنية وفي كواليسها ذئب يحاول الإنقضاض على الناس، فكثيرا ما سمعت في مكاتب محلية عبارات مثل "تسويق حزبي"، "تصريحات للإعلام" وغير ذلك من الكلام الذي يدل فعلا على إزدواجية الخطاب لدى هذه الحركة فما يعلنونه للناس عكس ما يتداولنوه في مكاتبهم، لم أكن اعتقد ان المظاهر خداعة لهذه الدرجة، صحيح ان سيماهم في وجوههم ولكن ما تخفي قلوبهم عكس ذلك فليس كل ذا رائحة عطرة سيكون حلو المذاق، وهذا ما استنتجته لكن للأسف بهد فوات الأوان. 

في الاحزاب الأخرى يتداولون مواضيع مثل الإقتصاد، والسياسة، والتنمية، والحداثة، اما في حركة النهضة فالمواضيع المطروحة لا تتعدى فرض الحجاب على الشعب وإقامة الخلافة المنشودة بعد أن ينقلبون على الديمقراطية بعد عدة سنوات وفرض لحية لكل مواطن ومثل هذه المواضيع الثورية. لا أحد يعتقد أن هذه المواضيع الهامة التي من اجلها طرد المخلوع لكن للأسف يوجد في تونس حزب يتبنى هذه الأفكار بل يجترها صباح مساء حتى تفرق بين المرئ وحزبه لاختلاف على الحجاب أو اللحية أو حتى لون الحجاب أو طول اللحية. هذا دون الحديث عن شبابها الذي تتمحور أكبر امانيه على إقامة حرب شعواء من اجل إغلاق حانة أو فتح مسجد 24/24. 

لكل هذا يمكنني ان اعتبر حركة النهضة تجمع بثوب جديد ظاهرها الرحمة وباطنها العذاب وأرجوا ألا تكون هذه الفترة حالكة أكثر من الفترة السابقة.

شخت ؟ فرحت ؟ عملت جوو ؟ هيا ايجا للصحيح توا :)) 

كلمات رائعة ينتظرها كل شخص مريض بالنهضافوبيا أعتقد أنها نزلت على قلبه بردا وسلاما ولربما سارع لنشرها على صفحات الفايسبوك قبل أن يكمل القراءة لآخر المقال. ما الذي وجدت داخل حركة النهضة وفي مكاتبها ؟ وجدت أناس تعمل صباح مساء دون كلل أو ملل يتناقشون في جميع المواضيع دون استثناء بل إن ذلك هو ديدن الشباب قبل المختصين في تلك الأمور بل إنني اجزم أن كل لقاء يجمع بين أفراد من شباب الحركة يكون فيه الحوار حول مواضيع مهمة وتبادل وجهات النظر والتحدث على آخر ما قرأ كل واحد منهم من أبحاث وكتب ولا تجد حوارات عقيمة ولا حديث في أعراض الناس ولا غير ذلك من الحوارات واللقاءات التافهة التي لن تقدم شيئا وعلى عكس ما يظنه كثيرون أن النقاشات لا تتعدى ثنائية حلال/حرام؛ افعل/ لا تفعل؛ فإن هذا الكلام لا أساس له من الصحة وليس الخبر كالمعاينة فهم من أبناء الشعب وثقافتهم من صلب ثقافة الشعب أيضا وهذا هو فعلا التجسيد الصحيح للشباب الإسلامي الفاعل. وهذه المواضيع هي التي تجدها في مكاتب الحركة إن لم تكن كلها فلنقل جلها وهي التي تطمح الحركة لتعميمها بين الناس حتى تنتج حوارا بناء يرقى بتونس بالمشاركة مع مختلف القوى الوطنية. أما عما يروجه بعض المرضى من أن خطاب الحركة يختلف عما يروجونه داخل حزبهم فيكفي أن نشير إلى أن الحركة الإسلامية في تونس قد أثرت على الفكر الإسلامي العالمي، اي نعم العالمي، وأدبياتها وأفكارها مدونة وموجودة في كتب ولا يوجد عند الحركة ما تخفيه وكل ما تؤمن به الحركة يمكن لأي كان مراجعته والعودة إليه عوض أن يكتفي البعض بذر الرماد على العيون والتحدث في المطلق وقذف الناس بما ليس فيهم، الأمر لا يستحق لكثير عناء إلا بعض الجهد لفتح كتاب ومطالعته حتى تتكون لدى بعض القوى "الحداثية" فكرة بسيطة على هذا "العدو" أو البعبع الذي يواجهونه فهم إلى الآن لا يفرقون بين سلفية/نهضة/تحرير ويعتبرونهم أصحاب نفس الأفكار في حين أن مرجعيتهم واحدة ولكن توجد إختلافات بينهم. بل إن ما شدني في حركة النهضة هو مدى تواضع قياداتها حتى أنه يخيلك إليك وانت تتحدث معهم أنهم من أعضاء الحزب البسطاء، فلا تكبر ولا غرور ولا كلام بإزدواجية ولا هم يحزنون بل لا تجد إلا الأخلاق الرفيعة حتى في الحديث على الفرقاء السياسيين تجدهم يتحدثون بمعقولية كبيرة وروح يغلب عليها حب الوحدة والإلتفاف على مصلحة البلاد على عكس ما يفعله ويقوله بعض غلاة الحداثة المزعومة. هذا بإختصار ما يمكن ان تجده في حركة النهضة ومحال ان يكون حزب تجمعي جديد لأن المبدأ الأساسي الذي يطبع على جبين كل من يدخل الحركة هو "إذا كنت جاي بش تاخو من توا شد داركم؛ إذا كنت جاي بش تعطي من جهدك وفلوسك ووقتك وتعبك مرحبا بيك انتي في المكان الصحيح" ومحال مثل هذه القاعدة تجدها في الكثير من الاحزاب الاخرى التي اضطر بعضها لـ"كراء" شباب حتى ينشروا منشوراتهم بين الناس حتى أني استوقفت أحدهم في إحدى المرات وسألته على البرنامج فقال بالحرف "نعرف علاهم، أنا أعطيني ناخو الـ20د ونكمل الأوراق إللي في يدي ونمشي على روحي" لذلك صديقي لا تستغرب إن وجدت أن حركة النهضة فاتت الـ40 بالمئة في حين الحداثجيين يعومو في الصفر. لذلك صديقي يمكن أن تجد من الحركة التجمعي المطرود وإلا إللي جاء يلج ع فلوس قطر بش يمشي أمورو ومالقاش وإلا أصحاب الألوان المتعددة وأصحاب فكر "مع الواقف" بإمكانك تلقاهم الكل ع بررّا، أما من تبنى فكر النهضة حتى إن كان خارج الحزب فأكيد جهده سيكون في صالح مشروع الحركة.

والسلام

مبدأ مشاركة الإسلاميين في حكم غير إسلامي

مبدأ مشاركة الإسلاميين في حكم غير إسلامي (1)

السيد الرئيس، أيها الأصدقاء والإخوان،

السلام عليكم ورحمة الله وبركاته.

مقدمة :

تحاول هذه الورقة الإجابة عن موقف الإسلام من مشاركة معتنقيه في تأسيس أو إدارة نظام غير إسلامي ؟

1- والسؤال يتضمن التسليم قبل ذلك بوجود نظرية للحكم الإسلامي، من واجبات المسلمين الدينية والعمل على إقامتها أفرادا وجماعات.

2- كما يتضمن ثانيا عدم قيام الحكم الإسلامي في الظرف الزماني والمكاني موضوع البحث، وإلا لوجب على المسلم دينا أن يواليه ويعمل على إصلاح ما عساه يكون قد اعتراه فساد.

3- ويتضمن ثالثا عدم توفر إمكانية قيام الحكم الإسلامي. وذلك بعد استنفاد الجهد في التوسل إليه. وإلا لوجب على المسلم المبادرة إلى ذلك واسترخاص كل الجهد والمال والنفس والتعاون في ذلك على إنفاذ أمر الله سبحانه وتعالى .. بإقامة عدله في الأرض (( يا أيها الذين آمنوا كونوا قوامين لله شهداء بالقسط ))، (( فأقيموا الصلاة وءاتوا الزكاة واعتصموا بالله ))، (( وأن احكم بينهم بما انزل الله ولا تتبع أهوائهم ))، (( ومن لم يحكم بما انزل الله فأولئك هم الكافرون )). 

اوضاع استثنائية :

نحن إذا نتحرك في هذا البحث ليس ضمن الحالة او القاعدة الأصلية، حيث يمكن لجماعة المسلمين أن تؤسس نظام علاقاتها الفكرية والسياسية والإقتصادية والدولية وسائر علاقاتها على نظام الإسلام بما يعبر وينسجم ويتناغم مع عقائدها ومواريثها المذكورة .. وفي اعماق الضمائر التي لا تزال مؤثرة في كل جوانب حياتها رغم ما قوضه الاحتلال الغربي وخلفاؤه من أسس ومواريث حياتنا الإجتماعية.

البحث هنا يتحرك في دائرة الإستثناء، حيث يتعذر على جماعة المؤمنين المضي إلى هدفها مباشرة بإقامة حكم الإسلام. فتجد نفسها أمام خيارات وموازنات صعبة.

ولأن من سمات المنهج الإسلامي الواقعية والمرونة بما يحقق خلوده وصلاحه لكل زمان ومكان، ولأن حياة الجماعات البشرية عامة، ومنهم جماعة الاخوان المسلمين، في حركية دائمة مثل حياة الأفراد، تتوارد عليها حالات الصحة والمرض، والنصر والهزيمة، والتقدم والتأخر، والضعف والقوة، فلا مناص لدين جاء يغطي حياة البشرية في كل أصقاعها وعلى امتداد الزمان ان يتسع لتغطية كل اوضاع التطور التي يمكن أن تمر بها جماعة او جماعات من المسلمين دائما راسما امامها معالم الخط العريض والخطوط المتعرجة، فلا يكتفي برسم القواعد الكلية لأوضاع التطور السوية، وإنما يضع بين أيديها قواعد وآليات تغطي الاوضاع الإستثنائية، أوضاع الاستضعاف، حتى يكون المؤمنين أبدا في علاقة وطيدة مع قواعد الشريعة، في حال اليسر والقوة كانوا، او كانوا في حال العسرة والاستضعاف.

فقه المصالح والضرورات :

إذا كان التراث الفقهي عند المسلمين هو أثمن وأعظم تراث قانوني لدى امة من الأمم، حتى ليصح القول عن امة الإسلام : إنها أمة الفقه والقانون، فإن من عظمة هذا الفقه استنادا إلى قواعد تشريعية كبرى، ينبثق عنها، وترتد فروعها إليه، أعني : علم الأصول، الذي هو علم إسلامي عظيم.

ولقد حظي هذا العلم بعقول عظيمة تتابعت على تأصيل قواعده وتطويرها وإثرائها وصقلها، حتى بلغت مع العلامة الأندلسي الشاطبي أوجا عظيما متقدما امتدادا للنهج الذي سنه الإمام الشافعي. فقد انصبت نخبة من العقول العظيمة التي امتلأت يقينا بعظمة الإسلام، وغاصت في نصوص الوحي كتابا وسنة، في تراث الفقه والتطبيق الأساسي وسائر علوم الإسلام خلال القرون، كما استوعبت جملة المعرفة البشرية المعروفة في العصر، وصاغت من خلال كل ذلك قواعد التشريع على ضوء ما استخلصته من مقاصد الدين، وجملة مقاصد الدين تدور حول مصالح العباد، فإنما لأجل ذلك جاء الدين. يقول الشاطبي : "إنّا استقرينا من الشريعة أنها وضعت لمصالح العباد استقراء لا ينازع فيه الرازي ولا غيره"، ويقول :" غن وضع الشرائع إنما هو لمصالح العباد في العاجل والآجل معا .. قال تعالى (( وما أرسلناك إلا رحمة للعالمين ))، وقال تعالى : (( ولكم في القصاص حياة يا أولى الألباب ))، ثم فصّل صاحب الموافقات أنواع المصالح التي بعث الرسل لتحقيقها في حياة البشر سواء منها ما كان مصلحة ضرورية، أي : لا بد منها في قيام مصالح الدين والنفس والنسل والمال والعقل، ثم مصالح حاجية إذا تخلفت وقع الناس في الضيق والرحج، كالتمتع بالطيبات، ثم مصالح تحسينية .. كآداب الاكل والشرب مما لا يعد فقدانها مخلا بسير الحياة لانها للتحسين والتزيين."(2)

والاتجاه العام في الفكر الإسلامي المعاصر إلى قبول أصول الشاطبي إطارا عاما لمعالجة المشكلات المستجدة في حياة المسلمين، انطلاقا من هذا الأصل العظيم : إن الدين إنما نزل للتحصيل والمحافظة على مصالح الناس في الدنيا والآخرة. وفي هذا المنظور العام والمقصد العام للشريعة أمكن لجزئيات الدين ان تجد كلها مكانها اللائق بها كفرع من أصل، وفي هذا المنظور نفسه يمكن أن تجد المشكلات المستجدة في حياة المسلمين حلولها المناسبة التي تضمن تحقيق مصالح المسلمين بل حياة البشرية وتدرأ عنهم الشرور والمفاسد دونما أي حاجة إلى التمرد قليلا أو كثيرا عن شرع الله .. لا سيما وقد تضمن هذا الشرع أصولا عامة يمكن أن يتأسس عليها اجتهاد جديد كلما حصل تطور في الحياة معتبر. ومن هذه الأصول ما يستجيب للأوضاع العادية التي مر بها المسلمون أفرادا وجماعات، ومنها ما يغطي أوضاعهم الإستثنائية .. مثل مبدأ الضرورات تبيح المحضورات، مما نص عليه القرآن الكريم في قوله : (( فمن اضطر غير باغ ولا عاد فلا إثم عليه ))، ومثل مبدأ الموازنة بين المصالح والمفاسد، فما غلب ما فيه من صلاح على ما فيه من فساد فهو مشروع، ومثل مبدأ المآلات فأفعال المكلفين لا يحكم عليها المجتهد بالجواز من عدمه إلا بعد النظر إلى مآلها من غلبة المصلحة أو المفسدة، وغيرها من أصول الإجتهاد.(3)

المشاركة في السلطة غير الإسلامية : 

إذا كان الأصل في أفعال العباد الجواز ما لم يرد مانع، فالمانع هنا متوفر وهو الأمر بإقامة حكم الله والنهي عن الحكم بغيره. من هنا وجب على المسلمين أن يبذلوا وسعهم في الاستجابة لأمر الله بإقامة حكمه. ولكن ماذا تراهم يفعلون إذا لم يكن ذلك ممكنا ؟ إن أصل التكليف هو التكليف بما يستطاع، يقول تعالى : ((لا يكلف الله نفسا إلا وسعها)).

يمكن تعريف الحكم الإسلامي بأنه نظام للدولة، حيث :

تكون المشروعية العليا أو السيادة للشريعة، للوحي باعتباره السلطة الحاكمة على كل سلطة، ففي إطار اجكامها يجتهد الفقهاء لاستنباط الحكم الجزئي، وبها يحكم القاضي، بل إن سائر مؤسسات الدولة يجب ان تتحرك في إطار الشريعة الإسلامية وتوجيهاتها مقاصدها.

أن تكون السلطة التامة للشعب عبر صورة من صور الشورى، فإذا كان هذا الصنف من الحكم ممكن القيام فالواجب على المؤمنين ألا يدخروا وسعا في ذلك. ولكن إن كان ذلك غير ممكن فما عساهم يفعلون، لا سيما إذا تعرضوا أو بلادهم للخطر ؟

إذا عرف أن حكم الإسلام استهدف جملة من الأهداف الإنسانية مجتمعة، فإذا تعذر ذلك وجب العمل على تحقيق ما هو ممكن منها عملا بقاعدة الاستطاعة، أي : أننا مكلفون في حدود ما نستطيع، فإذا كانت استطاعتنا تطال المشاركة مع غيرنا، مسلمين كانوا أو غير مسلمين، في إرساء نظام اجتماعي، وغن لم يكن قائما على الشريعة الإسلامية، لكنه قائم على حكم مهم كم قواعد الحكم الإسلامي الشوري، أي : مبدأ سلطة الأمة، بما يدرأ شر كالحكم الدكتاتوري، أو تسلطا أجنبيا، أو فوضى محلية او مجاعة، أو يضمن تحقيق مصلحة وطنية إنسانية، كالاستقلال، أو التنمية او التضامن الوطني، او الحريات السياسية العامة والخاصة، كحقوق الإنسان والتعددية السياسية ةاستقلال القضاء وحرية الصحافة وحرية المساجد والدعوة. هل يمكن للجماعة المسلمة أن تتاخر عن المشاركة في إرساء نظام ديمقراطي علماني إن لم يمكن إقامة نظام ديمقراطي إسلامي، فيقيم حكم العقل إن تعذر حكم الشرع بلغة ابن خلدون ؟ (4) كلا، بل الواجب الشرعي أن يشارك المسلم في تحقيق مثل هذا الحكم، فردا كان او جماعة، عملا بالأصول والمقاصد الشرعية السالفة التي تؤول إلى قاعدة الموازنة بين المصالح والمفاسد، او قاعدة الضرورة والاستطاعة، او النظر في مآلات الأفعال وغيرها من قواعد الشريعة.

وقائع مثبتة :

ويمكن الاستئناس بوقائع وسير وردت في القرآن الكريم والسنة في مجرى التاريخ الإسلامي للتأكيد على جواز مشاركة المسلمين أفرادا وجماعات في تأسيس، أو مجرد إدارة، حكم غير إسلامي من شأنه أن استجلاب مصالح أو درء مفاسد متحققة، او حتى مجرد مظنونة ظنا راجحا.

المثال الاول من القرآن الكريم : 

النبي يوسف عليه السلام : لقد خصه القرآن بسورة رائعة حكت سيرته ومسيرته من ظلام الجب، حيث زج به اخوته، إلى أضواء وفتنة قصر فرعون حيث تعرض للإغواء الجنسي، ومن ظلام السجن إلى سدة الحكم. والملفت والمحير ان هذا الشاب الذي عركته المحن وما إن توفرت له فرصة النهوض بمسؤولية الحكم حتى طلبها ودون انتظار حتى تعرض عليه، وذلك إيمانا بواجب إنقاذ كثيرة معرضة للمجاعة دون أي انتظار منه ان تتوفر له الفرصة لدعوة شعبه المصري الوثني إلى عبادة الله الواحد، وتكوين قاعدة ينهض عليها حكم الإسلام.

كل الذي استحضره الشاب ان الدين إنما جاء لمصالح العباد، وأن المصلحة التي تنتظر يومئذ هي إنقاذ الانفس من هلاك محقق، وانه قادر على ذلك. فكيف ينتظر أو يتردد أو يرفض بذريعة عدم توفر القاعدة الصلبة ؟ ذلك غير جائز فليدرأ في العاجل مفسدة المجاعة، وليحقق مصلحة حفظ النفوس، وعسى تكون الفرصة مواتية بعد ذلك لدعوة الناس إلى توحيد الله وعبادته.

نحن هنا امام مشاركة فاعلة في إدارة دولة غير إسلامية، لتحقيق مصلحة عامة للناس هي حفظ نفوسهم وهي مصلحة من مصالح الدين، وقد يقرب قضاؤها الناس في الدين ويعرفهم ببركاته، فيتعرفون إليه عيانا سبيلا للتعرف على إيمانا. ومهما جادل بعض الفقهاء في دحض هذه الحجة بالخوض في مسألة ان شرع من قبلنا هل هو شرع لنا أم لا أو غير ذلك من الحجج الرافضة، يبقى إيراد القرىن الكريم لقصة يوسف بذلك التوسع والتنويه مفعما بالدلالات على ان فعل يوسف عليه السلام هو محل قرار إلهي، وأن أوضاعا مشابهة يمكن أن يلاقيها مسلمون أفرادا او جماعات .. يكون الخيار امامهم إما المشاركة السياسية في إقامة أو إدارة انظمة للحكم غير مسلمة من اجل تحقيق مصالح معتبرة لهم ولدينهم، تدفع عنهم وعن دينهم شرورا راجحة، او التفريط في ذلك مما يفضي إلى تضييع مصالح والوقوع في الحرج وحتى المحظور او الهلاك.

المثال الثاني : النجاشي :

هو ملك الحبشة زمن البعثة. لقد أمر النبي صلى الله عليه وسلم عددا من الصحابة لما اشتدت المحنة أن يهاجروا إليه، واصفا إياهبانه ملك لا يظلم عنده الناس. ولقد أثمرت إقامة أولئك الأصحاب في حماية ذلك الملك العادل دخوله في الإسلام، دون أن يتمكن من إدخال تعديلات تذكر على حكمه في اتجاه تطبيق الإسلام، إذا لم يكن ذلك ميسورا بل إن من شأن تلك المحاولة أن تضيع ملكه وإخوانه المؤمنين ضيوفه. ولقد سجلت السيرة النبوية قصة ذلك الملك بإكبار وتنويه إذ قد أمر النبي صلى الله عليه وسلم أصحابه باداء صلاة الجنازة على روحه لما بلغه نبأ الوفاته.

يقول ابن تيمية : "ونحن نعلم قطعا أنه لم يكن يمكنه أن يحكم بينهم بحكم القرآن فإن قومه لا يقرونه على ذلك. والنجاشي وأمثاله مع ذلك سعداء في الجنة وإن كانوا لم يلتزموا من شرائع الإسلام ما لا يقدرون على إلتزامه بل كانوا يحكمون بالأحكام التي يمكنهم الحكم بها". (5)

1 : في الأصل محاضرة ألقيت في ندوة "مشاركة الإسلاميين في السلطة" التي عقدت يوم السبت 20 فبراير 1993 في جامعة ويستمنستر-لندن، الذي نظمها مركز أبحاث الديمقراطية في الجامعة بالإشتراك مع منظمة "ليبرتي" وهي منظمة دولية تتخذ من لندن مقرا لها وتعنى بالترويج للديمقراطية والدفاع عن حقوق الإنسان والحريات السياسية في العالم الإسلامي.

2،3 : أبو إسحاق إبراهيم بن موسى الشاطبي، الموافقات في أصول الشريعة (بيروت دار المعرفة) ج2، ص6-8

4 : أبو زيد عبد الرحمان بن محمد بن خلدون، العبر وديوان المبتدأ والخبر في أيام العرب والعجم والبربر ومن عاصرهم من ذوي السلطان الأكبر : مقدمة ابن خلدون، 7ج (بيروت دار الكتاب اللبناني 1956-1959)

5 : تقي الدين أحمد بن عبد الحليم ابن تيمية الحراني، مجموع الفتاوى، ج19، ص218-219

هذه الوثيقة موجودة كملحق في كتاب الحريات العامة في الدولة الإسلامية طبعة دار المجتهد ص398-402

نص داخلي لحركة النهضة حول العلاقات الخارجية

مقتطف من نص داخلي لحركة النهضة حول العلاقات الخارجية في تأصيل أسس شرعية لسياستنا الخارجية.

فنقول وبالله التوفيق : العلاقات الخارجية لجماعة إسلامية، أي : علاقاتها بالجماعات والدول والشخصيات هي محكومة كسائر العلاقات الأخرى بضوابط السيسة الشرعية، إذ ما يحل لمؤمن أن يقدم على عمل حتى يعلم حكم الله فيه. وفي هذا الصدد يمكن الإلماح إلى الضوابط والأسس الشرعية التالية :

1- قاعدة الولاء والبراء والمودة : "إن ولاء المسلم أي : مناصرته ليست إلا لله، أي : لكتابه ورسوله" (السنة) وللمؤمنين ((إنما وليكم الله ورسوله والذين آمنوا))، وفي كل الاحوال ان جاز له أن يناصر كافرا أو ينتصر به فليس أبدا على مؤمن، ((يا أيها الذين آمنوا لا تتخذوا الكافرين أولياء من دون المؤمنين))، ((ومن يفعل ذلك فليس من الله في شيء)).

2- إن إقامة علاقات التعاون في ما وراء ذلك وإقامة المعاهدات بين المؤمنين والكافرين ليستا محظورتين طالما لم يكونوا في حالة حرب معلنة على الإسلام وامته، وإلا فلا تعاون ولا مودة. ((لا ينهاكم الله عن الذين لم يقاتلوكم في الدين ولم يخرجوكم من دياركم ات تبروهم وتقسطوا إليهم إن الله يحب المقسطين * إنما ينهاكم الله عن الذين قاتلوكم في الدين واخرجوكم من دياركم وظاهروا على إخراجكم أن تولوهم ومن يتولهم فأولئك هم الظالمون)). وقال تعالى : ((لا تجد قوما يؤمنون بالله واليوم الآخر يوادون من  حاد الله ورسوله ولو كانوا ءابائهم أو أبنائهم أو إخوانهم أو عشيرتهم أولئك كتب في قلوبهم الإيمان وأيدهم بروح منه)).

3- إن الذين ليسوا مع المؤمنين في حالة حرب ولم نعلن عليهم الحرب فأموالهم ودماؤهم وأعراضهم علينا حرام ((أن تبروهم وتقسطوا إليهم)).

4- إن المؤمنين أمة واحدة ((إن هذه أمتكم أمة واحدة وانا ربكم فاعبدون)). فالواجب موالاة المؤمنين والعمل على وحدتهم ونصرتهم وعدم خذلانهم حسب المستطاع. الأصل إن سلم المؤمنين واحد وحربهم واحدة.

5- ولكن المؤمنين اليوم ليس لهم إمام واحد، فهم جماعات وأفراد، الأمر الذي يجعل عهدهم ليس واحدا بحكم امر الواقع، بل يمكن أن يتعدد. فالضابط الحاكم في علاقاتهم في كل الاحوال "أن المسلم اخو المسلم لا يظلمه ولا يخذله ولا يسلمه". وقاعدة : لا ضرر ولا ضرار. فإذا اقتضت مصلحة معتبرة لجماعة مسلمة أن تقيم علاقة مع نظام غير إسلامي يضطهد جماعة إسلامية فهل يحل ذلك ؟ يحسن تجنب ذلك، لكن إن لم يكن منه بد لحماية أرواح واعراض فريق آخر من المسلمين، فذلك جائز شريطة ألا يكون ذلك خذلانا لطائفة من المسلمين أي : على حسابها، أو استعداء لها، إذ المسلم لا يخذل المسلم وإنما يخذل عنه ويسعى لإنقاذه ولا يعين عليه أبدا في كل الاحوال.

6- إن إقامة المسلم في الدول الكافرة محكومة بعهد هو تأشيرة الدخول المخولة له وهي تتضمن عهدا متبادلا، باحترامه قانون تلك البلاد مقابل تعهدها بحمايته.

منقول من كتاب الحريات العامة في الدولة الإسلامية ص390-391

طبعة دار المجتهد للنشر والتوزيع

ثورجية في دقيقة

بعد ظهور ما يعرف بالمفتاح في دقيقة ظهرت حاجة جديدة وهي الثورجية في دقيقة .. عندنا برشا ثورجيين في تونس طاحلهم الشارج متاع الثورجية ولاو مستحقين يعملو ضربات ثورة كل مرة .. وبطبيعة الحال ما تحلى الثورة كان ع حركة النهضة .. الحركة الصهيوأمريكوموزنبيقية .. نلقاو عباد يثورو ع النهضة علاش ؟ ع خاطرها حاولت تطفئ مخاوف اليهود التوانسة وتطمئن جميع الأطراف سواء الداخل وإلا الخارج سواء العرب وإلا الغرب سواء علمانيين وإلا إسلاميين باختصار العباد الكل .. ثما عباد استغربو .. قالو كيفاش النهضة ترضاهم ؟؟ وقالو هاو النهضة عندها أكثر من أربعة أيام "شادة الحكم" شنو عملت ؟؟ وشوية آخر يخرجو باستنتاج أن الحركة عميلة ومنافقة وماهاش تخدم ع روحها .. هاذي مصائب الثورجية في دقيقة .. شنو المطلوب بابا من الحركة بالضبط ؟؟ أول ما يسمعو القياديين إللي النهضة ربحت يهبطو لجربة يشدو اليهود غادي يفشخوهم ؟ وإلا يمشو ديراكت يلوجو ع حكومة الظل ويشدوها يصلبوها ع المنقالة متاع تونس ؟ وإلا كي يشوفو واحد من المتورطين في الفساد يخلطو عليه يشلبقوه ؟؟ وإلا يهربو يتخباو وراء أقرب شجرة بش ما ياخذولهمش معاه تصويرة ؟؟ وبالنسبة للعلمانيين شنو تحبوهم يقولو ؟؟ هانا ربحنا ووالله لا عاد تشوفوها الحكومة وماعادش تحلمو بالديمقراطية ؟؟؟ وإلا يقومو للغرب ويتهددو عليه ويقولولو هانا شدينا الحكم واتو نزدمو عليكم ونسترجعو صقلية والأندلس ؟؟ شنو هالحاااالة في البلاد ؟؟؟؟ والله واحد لا عاد فاهم شيء .. الناس الكل لامت ع الحركة كيفاش ماخرجتش بيان ع يسري الطرقي وقالو شباها لتوة وبطات وأول ما خرجت البيان في عوض يقولو صحة قالو سداف .. ولات الحكاية متاع نفاق ومش من قلوبهم ومانعرفش شنوة ؟ يعني كان ماخرجتش يأولو الحكاية وكان خرجت يقولو يكذبو ؟ باش يخممو هاذم بجاه ربي والله ساعات نقعد باهت .. عموما نعرفو إللي الغاية هي إرضاء الله مش إرضاء الثورجيين ولكن يا عباد شوية عقلانية يهديكم راهي سياسية مش طرح نوفي .. الحكومة مازالت ما تشكلتش وهوما يطالبو بتطهير وزارة الداخلية حاصيلو تجي تفهم تدوخ تي وزارة الداخلية وحدها ماخور في وسطها بش تنظاف لازمها مشروع، شباهم فاهمين النظافة ع انها باكو اومو ونظفها من الأول للخر وإلا شنو الحكاية ؟؟ ونفس الشيء بالنسبة للسفارة الجزائرية إللي بعثت مجموعة من الدعوات لكذا شخصية وبطبيعة الحال لازمها تبعث لحمادي الجبالي بما أنو رئيس الحكومة القادم وظهرلها بش تبعث لفلان وفلان التجمعي، باش مطالب حمادي الجبالي ؟ أول مايجيه الاستدعاء يطلبهم يقلهم لشكون عيطتو من رموز النظام السابق ؟؟؟ ياولدي راهو حركة سياسية ماهاش مصباح سحري، وكل الأحزاب إللي في حكومة الوحدة الوطنية توا مطالبين أنهم يكونو فاعلين ويتحملو كامل مسؤوليتهم مش ضربة ضربتين يقوم واحد منهم يبيع في الكلام ويقول "لو يصير كذا أنا ننسحب"، "لو تدخل البلاد في حيط انا اندد"، "لو يشد بوش رئيس حكومة أنا نولي في المعارضة" بطبيعة الحال هذا كل رميان كلام، يقول القائل علاش ؟ هوما يعرفو إللي حركة النهضة قبل كل شيء ماهاش بش ترضى بالامور إللي هوما يفترضو فيها نهار كامل وهوما متأكدين 1000 بالـ100 من هذا بش بعد كي الحركة تمشي ع نفس إللي قالوه يقولو للتوانسة "كان ماجيناش أحنا هددنا الحركة راهي عملت الحاجات إللي توقعناها" ووو، يبيعو في الكلام للتوانسة ويسوقو في تصريحات للاستهلاك الإعلامي وثورجيي الفايسبوك يتبعو كل كلمة تتقال من غير لا يخدمو مخاخهم، هذا الكل بش تطلع الأسهم متاعهم أكثر عند الشعب .. لكن إللي متاكد منو أنو الحركة إللي اختارها الشعب بالاغلبية بش تعبر ع تطلعاتو وتحقق مطالبو الثورية وتنظف البلاد من المواخير إللي فيها والمسألة وما فيها مسألة وقت لا أكثر وثما مواقف مايسمعوهاش العباد لكنها مطروحة في داخل الحركة وتدرس كافة الاختيار بتفاني كبير وعباد فيها ماترقدش بالليل ع الحكايات هاذي وتبات تخدم لصالح البلاد، هاذم نفس العباد إللي تعذبو من الفساد هوما توا تاعبين بش يصلحوه والواجب توا شوية ثقة فيهم وشوية تريث والإصلاح يجي بشوية بشوية من تصليح القضاء قبل كل شيء إلى محاسبة رموز الفساد إلى تحقيق كافة بقية المطالب، ومالازمناش ننساو إللي الحركة الإسلامية في تونس هازة ع عاتقها حمل كبير ياسر يتمثل في المشروع الإسلامي إللي لازمو ينجح ولو كرخ من كرخ بش يعرف كل معارض للتيار الإسلامي كوعو من بوعو والحركة عارفة قدر المسؤولية هاذي ومدركة تماما إللي هي ممثلة للتيار الإسلامي في المنطقة وإللي بش تعمل تجربة في تونس بش يدرسوها الشعوب الإسلامية الاخرى يعني إذا نجحت تمهد بذلك الطريق لتيارات إسلامية أخرى في بلدان اخرى، الحركة تدرك تماما ان المشروع ماهوش قطري فقط (قطري بضم القاف مش بالفتحة، بش مايمشوش القطروفوبيين لبعيد) ومن جانب ىخر لازمنا نعرفو إللي ثما برشا قوى "حداثية" تحب تدخل البلاد في حيط بأي شكل من الأشكال خاصة في الفترة هاذي اللي بش تمتد لمدة عام بش يلقاو بشنوة يروجو لاحزابهم الفاشلة في الحملة القادمة ويقولو هاو النهضة شنو عملت للبلاد وهي ماهاش قادرة بش تخدم وهاو إضرابات وإحتجاجات وكالعادة يشوهو الحركة بش يربحو أصوات العباد وإحتجاجات سيدي بوزيد فيها والإضرابات الأخيرة إللي شهدتها البلاد دليل ع هذا، والشيء مزال، العباد إللي انقلبو ع جبهة الانقاذ في الجزائر باستخدام الجيش وتواطؤو مع فرنسا ودخلو بلادهم في عشرية دموية ينجمو يعملو أي أسلوب آخر ويستغلو الاعتصامات والمظاهرات لنفس الغرض، لإقصاء الإسلاميين، مش نظرية مؤامرة لكن الحجج إللي نشوف فيها ع الفايسبوك لتوتير العباد والقضايا اللي صارت منذ الانتخابات لتوة وإللي كانت متسارعة وعديدة في ظرف جمعة لازمنا نكونو منها حذرين واستغلال هذا الكل في تخوين حركة النهضة (إللي مزالت ماعملتش حكومة وإللي أكدت وعاودت انو البلاد مسؤولية جميع القوى مش كان النهضة برك، هوما يحبو يرمولها الكورة) حكاية علاها أكثر من نقطة استفهام كذلك بالنسبة لاحد زعماء القطب إللي اتهم الحركة بعديد الاتهامات الصبيانية في قناة الآن في محاولة يائسة منهم وما أبهم منو كان هاك الكائنة الفاضائية إللي مشاتلهم في فرنسا وتتشحت فيهم بجاه ربي عاونونا راهم ربحونا وهذا دليل على مدى ***** العباد إللي كيفها واستعدادهم للتحالف مع فرنسا ضد النهضة. بطبيعة الحال ثما شكون بش يعتبرو هذا هزان قفة وفارينة وإلى ذلك من التأويلات (كالعادة) نقلهم العباد إللي ماهزتش القفة لابن علي ماتهز القفة لحتى واحد آخر وكان جاء عيننا ع القفة رانا وقت ابن علي شخنا وإلا رانا توا في حزب اللاوطني الخر ع الأقل غادي تمشي تاخو فلوس وتروح عامل جوو وإلا رانا مع جماعة البي دي بي إللي يفرقو في المنشورات متاعو بالفلوس وكاري شباب لهذا، مش ندخلو مع النهضة نخدمو ونتعبو ونزيدو نمولو مقراتنا وتلقانا في لخر فرحانين بخدمتنا، حاصيلو برشا عباد من احزاب أخرى ماهاش بش تفهم ع خاطر مش مستنانسين، هذا ثقة في الحزب إللي انتخبناه وماناش مطالبين أننا ننتخبو حزب وبعد نهارين تلقانا درنا نسبو فيه ع أسباب تافهة قال شنوة ماناش نهزو في القفة (نفس العباد هاذم وقفو ضدنا كي خرجنا لاعتصام القصبة ثلاثة وجايين توا بعد الانتخابات بنهارات وبعد ماخسرو يحبو يثورو) لهذا الثورجية البيدونة ماناش مستحقينها توا إنما نخلوها للوقت المطلوب والصحيح وإللي يكون لا غبار عليه مش أي خبر يخرج ع الفايسبوك نتلفت نلقى العباد الكل تندب فيهم وتبكي وتنوح. السياسة هي فن الممكن مش ثورجية ببهامة.